នៅក្នុងប្រទេសជឿនលឿន សមាគមមូលនិធិ ជាកម្លាំងចលករមួយដ៍មានសារៈសំខាន់សម្រាប់ទ្រទ្រង់សេដ្ឋកិច្ចជាតិ ដោយមានការចូលរួមពី មហាសេដ្ឋីជាតិ/អន្តរជាតិ អាជីវករ ពាណិជ្ជករ សហគ្រិន និងគ្រួសារ ដែលជាផ្នែកមួយជួយដល់គោលនយោបាយរបស់រាជរដ្ឋាភិបាល។ សមាគមបានចូលរួមចំណែកលើកកម្ពស់សហគ្រាសធុនតូច និងមធ្យមនៅកម្ពុជាឱ្យកាន់តែមានភាពរឹងមាំ និងអាចក្រោកឈរបានដោយខ្លួនឯង។ ទន្ទឹមនេះសមាគមមូលនិធិសហគ្រាសធុនតូច និងមធ្យម ដែលអាចជួយស្ដារ ព្រមទាំងលើកកម្ពស់ក្នុងវិស័យឧស្សាហកម្មឱ្យឈានទៅរកការរីកចម្រើន និងបានដើរតួនាទីយ៉ាងសំខាន់ក្នុងការធានាតុល្យភាពសេដ្ឋកិច្ចជាតិ នៅក្នុងពេលវេលាដ៏លំបាកមួយដែលកម្ពុជា កំពុងត្រូវការនូវកម្លាំងសម្រាប់គាំទ្រ និងលើកស្ទួយដល់សហគ្រាសធុនតូច និងមធ្យមឱ្យមានសន្ទុះទៅមុខជានិច្ច។ ចលនារបស់សមាគម ត្រូវបានរាជរដ្ឋាភិបាលបាន នឹងកំពុងកៀរគរ ស្វែងរកធនធានតាមរយៈ អាជីវករ ពាណិជ្ជករធំៗ ដើម្បីរួមគ្នាជួយដល់សហគ្រាសធុនតូច និងមធ្យមនៅកម្ពុជា។

អានបន្ត≫